Түмээ ах

Өрөөлийн газар асгарсан хөлсөө

Өөрийнх гэхгүй голон шилгээсэн

Өссөн нутгаа санан гансрахдаа

Өнхрөх нулимсаа хамт сэгсэрсэн

    Гүйгүүл морин сэмхэн хатирна

    Гүвээ толгодыг эвхэн хатирна

    Төрхөмөө санах бэрийн нүднээс

    Товчин нулимс унагаан хатирна

Шунал олзын гашуун золиосноос

Шувтарч гарсан өнчин амь

Шувууны сүүдэрт өртбөл саатах

Шулуун харвасан амьд сум

     Гүйгүүл морин сэмхэн хатирна

     Гүвээ толгодыг эвхэн хатирна

     Салгуу суугаа амраг хоёрын

     Санаа алдахыг нэмүүлэн хатирна

Мөгөөрсөн туураа хатаасан шорооны

Мөрөөссөн үнэрийг олохсон гэхдээ

Мөндөр дундуур зориглон өнхөрсөн

Монгол тулганы цог шиг яваа

     Гүйгүүл морин сэмхэн хатирна

     Гүвээ толгодыг эвхэн хатирна

     Өрөвчхөн сэтгэлээ өглөг болгодог

     Өвгөдийн амыг өмийлгөн хатирна